ກອງປະຊຸມສາມັນ ຄົບຄະນະບໍລິຫານງານ ຄອລ 6 ເດືອນຕົ້ນປີ 2015
ກອງປະຊຸມສາມັນຄົບຄະນະບໍລິຫານງານຄອລ 6 ເດືອນຕົ້ນປີ 2015
ກອງປະຊຸມສາມັນຄົບຄະນະບໍລິຫານງານຄະນະກຳມະການໂອແລມປິກລາວ (ຄອລ) ໄດ້ໄຂຂື້ນທີ່ຫ້ອງປະຊຸມຄອລຂອງວັນທີ 9/09 2015 ໂດຍພາຍໄຕ້ການເປັນປະທານທ່ານພັນຄຳວິພາວັນຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການແລະກິລາປະທານຄະນະກຳມະການໂອແລມປິກແຫ່ງຊາດລາວ, ມີຄະນະບໍລິຫານງານໂອແລມປິກແຫ່ງຊາດລາວພ້ອມດ້ວຍຜູ້ບໍລິຫານງານສະຫະພັນກິລາແຫ່ງຊາດແຕ່ລະປະເພດເຂົ້າຮ່ວມລວມທັງໝົດ 36 ສະຫະພັນ. ໃນກອງປະຊຸມຄັ້ງນີ້ຄະນະບໍລິຫານງານຄອລໄດ້ຮັບຟັງການລາຍງານຕ່າງໆໃນ 6 ເດືອນຕົ້ນປີ 2015 ມີລາຍລະອຽດດັ່ງນີ້
- ທ່ານສົມພູພົງສາຜູ້ຊ່ວຍລັດຖະມົນຕີ, ຮອງປະທານ–ເລຂາທິການຄອລໄດ້ຂື້ນລາຍງານການເຄື່ອນໄຫວໃນໄລຍະ 06 ເດືອນຕົ້ນປີ 2015 ແລະວາງແຜນຫົກເດືອນທ້າຍປີ.
- ທ່ານກະເສມອິນທະລາຮອງເລຂາ–ທິການຄອລຫົວໜ້າກຳມາທິການພົວພັນຮ່ວມມືສາກົນລາຍງານຮ່ວມມືກັບ, ໂອແລມປິກສາກົນ, ສະພາໂອແລມປິກອາຊີແລະການພົວພັນຕ່າງໆກັບປະເທດສະມາຊິກໂອແລມປິກ.
- ທ່ານແສງພອນພົນອາມາດຮອງເລຂາທິການຄອລກຳມະການນັກກິລາລາຍງານຜົນການເຂົ້າຮວ່ມຊີເກມຄັ້ງທີ 28 ແລະກະກຽມນັກກິລາເຂົ້າຮ່ວມເອຊຽນເກມ, ກິລາເອຊຽນເກມຫາດຊາຍແລະໂອແລມປິກຊາວໜຸ່ມ.
- ທ່ານສີທາດຈັນທະບູລີລາຍງານຂະບວນການກິລາມວນຊົນ, ວັນໂອແລມປິກ.
- ທ່ານດຣ. ອາລົງກອນເພັງສະຫວັນຮອງຫົວໜ້າກຳມະທິການແພດກິລາລາຍງານວຽກງານການແພດຂອງໂອແລມປິກ.
- ທ່ານພູວັນວົງສຸທິກຳມາທິການການເງິນ, ນາຍຄັງຄອລລາຍງານຖານະການກວດກາການເງີນຂອງຄອລ 6 ເດືອນຕົ້ນປີ 2015
ຫຼັງຈາກສຳເລັດການລາຍງານການເຄື່ອນໄຫວຕ່າງໆຂອງຄະນະບໍລິຫານງານຄອລໃນກອງປະຊຸມກໍໄດ້ເປີດໂອກາດໃຫ້ຄະນະບໍລິຫານງານປະກອບຄວາມຄິດເຫັນແລະແລກປ່ຽນບົດຮຽນເພື່ອຊອກຫາວິທິທາງແກ້ໄຂໃນບາງຈຸດທີ່ຍັງຄົງຄ້າງແລະຕ້ອງໄດ້ຮັບການແກ້ໄຂເພື່ອເຮັດໃຫ້ຂະບວນການກິລາວມີຄວາມເຂັ້ມແຂງແລະກ້າວສູ່ເວທິສາກົນໃນຕໍ່ໜ້າ.
ກອງປະຊຸມສາມັນຄົບຄະນະບໍລິຫານງານຄອລ 6 ເດືອນຕົ້ນປີ 2015
ຕອບກັບ